ਗੁਹਾਟੀ, 20 ਦਸੰਬਰ (ਹਿੰ.ਸ.)। ਗੁਹਾਟੀ ਦੇ ਆਜਰਾ ਥਾਣਾ ਖੇਤਰ 'ਚ ਪੁਲਿਸ ਵੱਲੋਂ ਚਲਾਈ ਗਈ ਸਾਂਝੀ ਕਾਰਵਾਈ ਦੌਰਾਨ ਦੋ ਮਹਿਲਾ ਨਸ਼ਾ ਤਸਕਰਾਂ ਨੂੰ ਭਾਰੀ ਮਾਤਰਾ 'ਚ ਹੈਰੋਇਨ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਇੱਕ ਭਰੋਸੇਯੋਗ ਸੂਚਨਾ 'ਤੇ ਕਾਰਵਾਈ ਕਰਦੇ ਹੋਏ, ਏਸੀਪੀ ਅਜਾਰਾ ਨੇ ਇੱਕ ਸੰਯੁਕਤ ਆਪ੍ਰੇਸ਼ਨ ਦੀ ਅਗਵਾਈ ਕੀਤੀ। ਜਿਸ ਵਿੱਚ ਐਸ.ਆਈ (ਪੀ.) ਪ੍ਰਦਿਊਮਨ ਕਲੀਤਾ ਅਤੇ ਗੋਰਚੁਕ ਪੀਐਸ ਦੇ ਐਸ.ਆਈ ਪਰਿਮਲ ਸਰਕਾਰ ਅਤੇ ਭਾਰਲੁਮੁਖ ਪੀ.ਐਸ. ਦੀ ਟੀਮ ਸ਼ਾਮਲ ਸੀ। ਡੀਸੀਪੀ ਡਬਲਿਊਜੀਪੀਡੀ ਨੇ ਕਾਰਵਾਈ ਦੌਰਾਨ ਦੋ ਔਰਤਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।ਜਦੋਂ ਦੋਵਾਂ ਔਰਤਾਂ ਦੀ ਤਲਾਸ਼ੀ ਲਈ ਗਈ ਤਾਂ ਉਨ੍ਹਾਂ ਦੇ ਕਬਜ਼ੇ 'ਚੋਂ ਸ਼ੱਕੀ ਹੈਰੋਇਨ ਨਾਲ ਭਰੀਆਂ 5 ਸਾਬਣਦਾਨੀਆਂ ਬਰਾਮਦ ਹੋਈਆਂ। ਫੜੇ ਗਏ ਨਸ਼ਾ ਤਸਕਰਾਂ ਦੀ ਪਛਾਣ ਰੀਨਾ ਬੇਗਮ (48, ਦਿਗਲੀਪੁਖੁਰੀ) ਅਤੇ ਸੁਭਾ ਦੇਵੀ (53, ਵਸ਼ਿਸ਼ਟ) ਵਜੋਂ ਹੋਈ ਹੈ।
ਕਾਬੂ ਮੁਲਜ਼ਮ ਸੁਭਾ ਦੇਵੀ ਦੀ ਨਿਸ਼ਾਨਦੇਹੀ ’ਤੇ ਪੁਲਿਸ ਨੇ ਲੋਖਰਾ, ਨਾਮਘਰ ਮਾਰਗ ਸਥਿਤ ਕਿਰਾਏ ਦੇ ਮਕਾਨ ਵਿੱਚੋਂ ਸ਼ੱਕੀ ਹੈਰੋਇਨ ਨਾਲ ਭਰੀਆਂ 5 ਹੋਰ ਸਾਬਣਦਾਨੀਆਂ ਬਰਾਮਦ ਕੀਤੀਆਂ। ਜ਼ਬਤ ਕੀਤੇ ਗਏ ਨਸ਼ੀਲੇ ਪਦਾਰਥਾਂ ਦਾ ਕੁੱਲ ਵਜ਼ਨ 122.83 ਗ੍ਰਾਮ (10 ਸਾਬਣਦਾਨੀਆਂ ਤੋਂ ਬਿਨਾਂ) ਹੈ। ਘਟਨਾ ਦੇ ਸਬੰਧ ਵਿੱਚ ਐਫਆਈਆਰ ਦਰਜ ਕਰ ਲਈ ਗਈ ਹੈ ਅਤੇ ਫੜੇ ਗਏ ਦੋ ਨਸ਼ਾ ਤਸਕਰਾਂ ਤੋਂ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
---------------
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
