ਨਵੀਂ ਦਿੱਲੀ, 4 ਦਸੰਬਰ (ਹਿੰ.ਸ.)। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬੁੱਧਵਾਰ ਨੂੰ ਮਹਾਨ ਸਕੁਐਸ਼ ਖਿਡਾਰੀ ਰਾਜ ਮਨਚੰਦਾ ਦੇ ਦਿਹਾਂਤ 'ਤੇ ਸੋਗ ਪ੍ਰਗਟ ਕੀਤਾ। ਮੋਦੀ ਨੇ ਮਨਚੰਦਾ ਨੂੰ ਭਾਰਤੀ ਸਕੁਐਸ਼ ਦਾ ਇੱਕ ਸੱਚਾ ਦਿੱਗਜ਼ ਦੱਸਿਆ, ਜੋ ਆਪਣੇ ਸਮਰਪਣ ਅਤੇ ਉੱਤਮਤਾ ਲਈ ਜਾਣੇ ਜਾਂਦੇ ਸਨ। ਉਨ੍ਹਾਂ ਨੇ ਮਨਚੰਦਾ ਦੀ ਫੌਜੀ ਸੇਵਾ ਵਿੱਚ ਝਲਕਣ ਵਾਲੀ ਰਾਸ਼ਟਰ ਸੇਵਾ ਲਈ ਵੀ ਪ੍ਰਸ਼ੰਸਾ ਉਨ੍ਹਾਂ ਦੀ ਸ਼ਲਾਘਾ ਕੀਤੀ।ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਐਕਸ-ਪੋਸਟ ਵਿੱਚ ਲਿਖਿਆ, ਰਾਜ ਮਨਚੰਦਾ ਜੀ ਦੇ ਦਿਹਾਂਤ ਤੋਂ ਦੁਖੀ ਹਾਂ, ਉਹ ਭਾਰਤੀ ਸਕੁਐਸ਼ ਦੇ ਇੱਕ ਸੱਚੇ ਦਿੱਗਜ ਸਨ, ਜੋ ਆਪਣੇ ਸਮਰਪਣ ਅਤੇ ਉੱਤਮਤਾ ਲਈ ਜਾਣੇ ਜਾਂਦੇ ਸਨ। ਉਨ੍ਹਾਂ ਨੇ ਜੋ ਸਨਮਾਨ ਪ੍ਰਾਪਤ ਕੀਤੇ, ਉਸ ਤੋਂ ਇਲਾਵਾ ਖੇਡ ਲਈ ਉਨ੍ਹਾਂ ਦੇ ਜਨੂੰਨ ਅਤੇ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਨ ਦੀ ਉਨ੍ਹਾਂ ਦੀ ਯੋਗਤਾ ਨੇ ਉਨ੍ਹਾਂ ਨੂੰ ਸੱਚਮੁੱਚ ਵੱਖਰਾ ਬਣਾਇਆ। ਸਕੁਐਸ਼ ਕੋਰਟ ਤੋਂ ਪਰੇ, ਰਾਸ਼ਟਰ ਪ੍ਰਤੀ ਉਨ੍ਹਾਂ ਦੀ ਸੇਵਾ ਉਨ੍ਹਾਂ ਦੀ ਫੌਜੀ ਸੇਵਾ ਵਿੱਚ ਵੀ ਝਲਕਦੀ ਸੀ। ਉਨ੍ਹਾਂ ਦੇ ਪਰਿਵਾਰ ਅਤੇ ਪ੍ਰਸ਼ੰਸਕਾਂ ਪ੍ਰਤੀ ਸੰਵੇਦਨਾ ਪ੍ਰਗਟ ਕਰਦਾ ਹਾਂ।ਜ਼ਿਕਰਯੋਗ ਹੈ ਕਿ ਅਰਜੁਨ ਪੁਰਸਕਾਰ ਜੇਤੂ ਅਨੁਭਵੀ ਸਕੁਐਸ਼ ਖਿਡਾਰੀ ਰਾਜ ਮਨਚੰਦਾ ਦਾ ਐਤਵਾਰ ਨੂੰ ਦਿਹਾਂਤ ਹੋ ਗਿਆ। ਉਹ 79 ਸਾਲ ਦੇ ਸਨ।
---------------
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
