ਜੰਮੂ, 19 ਅਪ੍ਰੈਲ (ਹਿ.ਸ.)। ਊਧਮਪੁਰ-ਡੋਡਾ-ਕਠੂਆ ਲੋਕ ਸਭਾ ਸੀਟ 'ਤੇ ਸਵੇਰੇ 7 ਵਜੇ ਤੋਂ ਵੋਟਿੰਗ ਚੱਲ ਰਹੀ ਹੈ। ਊਧਮਪੁਰ ਸੀਟ 'ਤੇ ਸਵੇਰੇ 7 ਵਜੇ ਤੋਂ 9 ਵਜੇ ਤੱਕ 10.43 ਫੀਸਦੀ ਵੋਟਿੰਗ ਹੋਈ। 9 ਵਜੇ ਤੱਕ ਸਭ ਤੋਂ ਵੱਧ ਪਾਡਰ-ਨਾਗਸੇਨੀ 50 ਵਿਧਾਨ ਸਭਾ ਹਲਕੇ ਵਿੱਚ 13.84 ਫੀਸਦੀ ਵੋਟਿੰਗ ਹੋਈ। ਸਭ ਤੋਂ ਘੱਟ ਬਨਿਹਾਲ 55 ਵਿਧਾਨ ਸਭਾ ਹਲਕੇ ’ਤੇ 6.71 ਫੀਸਦੀ ਵੋਟਿੰਗ ਹੋਈ।

ਲੋਕ ਸਭਾ ਚੋਣਾਂ ਨੂੰ ਲੈ ਕੇ ਹਰ ਚੌਕ 'ਤੇ ਪੁਲਿਸ ਅਤੇ ਬੀ.ਐੱਸ.ਐੱਫ. ਦੀ ਤਾਇਨਾਤੀ ਕੀਤੀ ਗਈ ਹੈ। ਜੰਮੂ-ਕਸ਼ਮੀਰ ਦੇ ਗੇਟਵੇ ਲਖਨਪੁਰ ਤੋਂ ਲੈ ਕੇ ਊਧਮਪੁਰ ਤੱਕ ਲੋਕ ਸਭਾ ਹਲਕੇ 'ਚ ਪੈਂਦੇ ਹਰ ਖੇਤਰ 'ਚ ਸੁਰੱਖਿਆ ਬਲ ਤਾਇਨਾਤ ਹਨ। ਜੰਮੂ-ਪਠਾਨਕੋਟ ਨੈਸ਼ਨਲ ਹਾਈਵੇ 'ਤੇ ਵੀ ਸੁਰੱਖਿਆ ਪ੍ਰਬੰਧ ਸਖ਼ਤ ਹਨ। ਚੋਣਾਂ ਦੇ ਦਿਨ ਵੱਖ-ਵੱਖ ਥਾਵਾਂ 'ਤੇ ਨਾਕਾਬੰਦੀ ਰਹੇਗੀ।

ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ