ਨਵੀਂ ਦਿੱਲੀ, 24 ਅਪ੍ਰੈਲ (ਹਿ.ਸ.)। ਰੱਖਿਆ ਖੋਜ ਅਤੇ ਵਿਕਾਸ ਵਿਭਾਗ (ਡੀਆਰਡੀਓ) ਨੇ ਹਥਿਆਰਬੰਦ ਬਲਾਂ ਲਈ ਸਭ ਤੋਂ ਹਲਕੀ ਸਵਦੇਸ਼ੀ ਬੁਲੇਟ ਪਰੂਫ ਜੈਕੇਟ ਵਿਕਸਿਤ ਕੀਤੀ ਹੈ। ਇਸਨੂੰ ਕਾਨਪੁਰ ਸਥਿਤ ਡਿਫੈਂਸ ਮਟੀਰੀਅਲ ਐਂਡ ਸਟੋਰਜ਼ ਰਿਸਰਚ ਐਂਡ ਡਿਵੈਲਪਮੈਂਟ ਐਸਟੈਬਲਿਸ਼ਮੈਂਟ (ਡੀਐਮਐਸਆਰਡੀਈ) ਵਿਖੇ ਤਿਆਰ ਕੀਤਾ ਗਿਆ ਹੈ। ਹਾਲ ਹੀ ਵਿੱਚ ਇਸ ਬੁਲੇਟ ਪਰੂਫ ਜੈਕੇਟ ਦਾ ਚੰਡੀਗੜ੍ਹ ਦੀ ਲੈਬ ਵਿੱਚ ਪ੍ਰੀਖਣ ਕੀਤਾ ਗਿਆ, ਜੋ ਪੂਰੀ ਤਰ੍ਹਾਂ ਬੀਆਈਐਸ ਦੇ ਸਭ ਤੋਂ ਵੱਧ ਖਤਰੇ ਦੇ ਪੱਧਰ 6 ਦੇ ਮਾਪਦੰਡਾਂ ਨੂੰ ਪੂਰਾ ਕਰਦੀ ਹੈ।

ਡੀਆਰਡੀਓ ਦੀ ਚੰਡੀਗੜ੍ਹ ’ਚ ਸਥਿਤ ਟਰਮੀਨਲ ਬੈਲਿਸਟਿਕ ਰਿਸਰਚ ਲੈਬਾਰਟਰੀ (ਟੀ.ਬੀ.ਆਰ.ਐਲ.) ’ਚ ਟੈਸਟ ਕੀਤੀ ਗਈ 7.62 x 54 ਸਵਦੇਸ਼ੀ ਬੁਲੇਟ ਪਰੂਫ਼ ਜੈਕੇਟ, ਬੀਆਈਐਸ 17051 ਪੱਧਰ 6 ਦੇ ਮਿਆਰਾਂ 'ਤੇ ਆਧਾਰਿਤ ਹੈ। ਇਸ ਨੂੰ ਗੋਲਾ ਬਾਰੂਦ ਤੋਂ ਸੁਰੱਖਿਆ ਲਈ ਦੇਸ਼ ਦੀ ਸਭ ਤੋਂ ਹਲਕੀ ਬੁਲੇਟ ਪਰੂਫ ਜੈਕੇਟ ਦੱਸਿਆ ਗਿਆ ਹੈ। ਹਾਲ ਹੀ ਵਿੱਚ ਇਸ ਬੁਲੇਟ ਪਰੂਫ ਜੈਕੇਟ ਦਾ ਬੀਆਈਐਸ 17051-2018 ਦੇ ਅਨੁਸਾਰ ਟੀਬੀਆਰਐਲ, ਚੰਡੀਗੜ੍ਹ ਵਿਖੇ ਸਫਲਤਾਪੂਰਵਕ ਪ੍ਰੀਖਣ ਕੀਤਾ ਗਿਆ ਸੀ। ਇਹ ਜੈਕਟ ਨਵੇਂ ਡਿਜ਼ਾਈਨ ਦ੍ਰਿਸ਼ਟੀਕੋਣ 'ਤੇ ਆਧਾਰਿਤ ਹੈ, ਜਿੱਥੇ ਨਵੀਆਂ ਪ੍ਰਕਿਰਿਆਵਾਂ ਦੇ ਨਾਲ-ਨਾਲ ਨਵੀਨਤਾਕਾਰੀ ਸਮੱਗਰੀ ਦੀ ਵਰਤੋਂ ਕੀਤੀ ਗਈ ਹੈ।

ਇਸ ਜੈਕਟ ਦਾ ਫਰੰਟ ਹਾਰਡ ਆਰਮਰ ਪੈਨਲ (ਐਚਏਪੀ) ਆਈਸੀਡਬਲਸਨੂੰ (ਇਨ-ਕੰਜਕਸ਼ਨ ਵਿਦ ਅਤੇ ਸਟੈਂਡ ਅਲੋਨ ਡਿਜ਼ਾਈਨ ਦੋਵਾਂ ਵਿੱਚ 7.62 x 54 ਆਰ ਏਪੀਆਈ (ਸਨਾਈਪਰ ਰਾਉਂਡ) ਦੇ ਕਈ ਹਿੱਟ (06 ਸ਼ਾਟ) ਦਾ ਮੁਕਾਬਲਾ ਕਰਨ ਦੇ ਸਮਰੱਥ ਹੈ। ਐਰਗੋਨੋਮਿਕ ਰੂਪ ਨਾਲ ਡਿਜ਼ਾਇਨ ਕੀਤਾ ਗਿਆ ਫਰੰਟ ਐਚਏਪੀ ਪੋਲੀਮਰ ਬੈਕਿੰਗ ਦੇ ਨਾਲ ਮੋਨੋਲਿਥਿਕ ਸਿਰੇਮਿਕ ਪਲੇਟ ਦਾ ਬਣਿਆ ਹੈ, ਜੋ ਓਪਰੇਸ਼ਨ ਦੌਰਾਨ ਪਹਿਨਣ ਦੀ ਸਮਰੱਥਾ ਅਤੇ ਆਰਾਮ ਨੂੰ ਵਧਾਉਂਦਾ ਹੈ। ਹਾਰਡ ਆਰਮਰ ਪੈਨਲ ਅਤੇ ਸਟੈਂਡ ਅਲੋਕਨ ਦੀ ਖੇਤਰੀ ਘਣਤਾ ਕ੍ਰਮਵਾਰ 40 kg/m2 ਅਤੇ 43 kg/m2 ਤੋਂ ਘੱਟ ਹੈ।

ਰੱਖਿਆ ਖੋਜ ਅਤੇ ਵਿਕਾਸ ਵਿਭਾਗ ਦੇ ਸਕੱਤਰ ਅਤੇ ਡੀਆਰਡੀਓ ਦੇ ਚੇਅਰਮੈਨ ਡਾ. ਸਮੀਰ ਵੀ ਕਾਮਤ ਨੇ ਉੱਚ ਪੱਧਰੀ ਖਤਰੇ ਦੀ ਸੁਰੱਖਿਆ ਲਈ ਇਸ ਸਭ ਤੋਂ ਹਲਕੇ ਬੁਲੇਟ ਪਰੂਫ ਜੈਕੇਟ ਦੇ ਸਫਲ ਵਿਕਾਸ ਲਈ ਡੀਐਮਐਸਆਰਡੀਈ ਨੂੰ ਵਧਾਈ ਦਿੱਤੀ ਹੈ।

ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ