ਇੰਫਾਲ, 26 ਜੁਲਾਈ (ਹਿੰ.ਸ.)। ਮਣੀਪੁਰ ਵਿੱਚ ਹਥਿਆਰਾਂ ਅਤੇ ਗੋਲਾ ਬਾਰੂਦ ਦੀ ਬਰਾਮਦਗੀ ਦੀ ਪ੍ਰਕਿਰਿਆ ਜਾਰੀ ਹੈ। ਇਸ ਸਬੰਧ ਵਿਚ ਸਾਂਝੇ ਸੁਰੱਖਿਆ ਬਲਾਂ ਦੀ ਕਾਰਵਾਈ ਵਿਚ ਸੂਬੇ ਵਿਚ ਵੱਖ-ਵੱਖ ਥਾਵਾਂ ਤੋਂ ਭਾਰੀ ਮਾਤਰਾ ਵਿਚ ਹਥਿਆਰ ਅਤੇ ਗੋਲਾ ਬਾਰੂਦ ਬਰਾਮਦ ਕੀਤਾ ਗਿਆ ਹੈ।
ਮਣੀਪੁਰ ਪੁਲਿਸ ਨੇ ਅੱਜ ਦੱਸਿਆ ਕਿ ਪਹਾੜੀ ਅਤੇ ਘਾਟੀ ਜ਼ਿਲ੍ਹਿਆਂ ਦੇ ਸਰਹੱਦੀ ਅਤੇ ਸੰਵੇਦਨਸ਼ੀਲ ਖੇਤਰਾਂ ਵਿੱਚ ਸੁਰੱਖਿਆ ਬਲਾਂ ਵਲੋਂ ਤਲਾਸ਼ੀ ਮੁਹਿੰਮ ਅਤੇ ਖੇਤਰ ਦਾ ਦਬਦਬਾ ਚਲਾਇਆ ਗਿਆ। ਤਲਾਸ਼ੀ ਮੁਹਿੰਮ ਸਮੇਂ ਇੱਕ ਬੋਲਟ ਐਕਸ਼ਨ ਇੰਪ੍ਰੋਵਾਈਜ਼ਡ .303 ਰਾਈਫਲ, ਦੋ ਬੋਲਟ ਐਕਸ਼ਨ .303 ਰਾਈਫਲਾਂ, ਦੋ 12-ਬੋਰ ਸਿੰਗਲ ਬੈਰਲ ਗਨ, ਚਾਰ ਐਚਈ-36 ਹੈਂਡ ਗ੍ਰੇਨੇਡ (ਵਿਸਫੋਟਕ ਵਜੋਂ ਵਰਤੇ ਜਾ ਸਕਦੇ ਹਨ), ਇੱਕ ਲੰਬੀ ਰੇਂਜ ਇੰਪ੍ਰੋਵਾਈਜ਼ਡ ਮੋਰਟਾਰ (ਪੰਪੀ), ਦੋ ਐੱਮ/ਸੈੱਟ (ਬੋਫੇਂਗ), 22 ਕਾਰਤੂਸ ਦੇ ਜ਼ਿੰਦਾ ਕਾਰਤੂਸ ਅਤੇ ਇੱਕ ਮਾਰਕ-III ਏ2 ਗ੍ਰਨੇਡ ਕਾਂਗਪੋਕਪੀ ਜ਼ਿਲ੍ਹੇ ਦੇ ਏ ਮੋਂਗਬੈਂਗ ਰੇਂਜ ਤੋਂ ਬਰਾਮਦ ਕੀਤਾ ਗਿਆ।
ਇਕ ਹੋਰ ਖੋਜ ਮੁਹਿੰਮ ਦੌਰਾਨ ਕਾਂਗਪੋਕਪੀ ਜ਼ਿਲ੍ਹੈ ਦੇ ਗੋਵਾਜਾਂਗ ਤੋਂ ਮੈਗਜ਼ੀਨ ਦੇ ਨਾਲ ਇਕ .22 ਰਾਈਫਲ, ਇਕ ਸਿੰਗਲ ਬੋਰ ਬੈਰਲ ਰਾਈਫਲ, ਦੋ 9 ਐਮਐਮ ਪਿਸਤੌਲ, ਇਕ ਮੈਗਜ਼ੀਨ ਦੇ ਨਾਲ, ਇਕ 7.65 ਐਮਐਮ ਪਿਸਤੌਲ ਮੈਗਜ਼ੀਨ ਦੇ ਨਾਲ, ਇਕ ਐਚਈ-36 ਹੈਂਡ ਗ੍ਰੇਨੇਡ ਬਿਨ੍ਹਾਂ ਡੈਟੋਨੇਟਰ ਦੇ, ਇਕ ਚੀਨੀ ਗ੍ਰਨੇਡ ਅਤੇ ਤਿੰਨ ਜਿੰਦਾ ਕਾਰਤੂਸ ਬਰਾਮਦ ਕੀਤੇ ਗਏ ਹਨ।
ਇਸ ਤੋਂ ਇਲਾਵਾ ਇਕ ਹੋਰ ਤਲਾਸ਼ੀ ਮੁਹਿੰਮ ਦੌਰਾਨ ਕਾਕਚਿੰਗ ਜ਼ਿਲ੍ਹੇ ਦੇ ਵਾਈਖੋਂਗ ਲੌਫੂਚਿੰਗ ਤੋਂ ਇਕ 81 ਐਮਐਮ ਮੋਰਟਾਰ ਸ਼ੈੱਲ, ਦੋ ਐਚਈ-36 ਗ੍ਰਨੇਡ, ਦੋ 2 ਇੰਚ ਦੇ ਸਮੋਕ ਸ਼ੈੱਲ ਬਰਾਮਦ ਕੀਤੇ ਗਏ। ਸੁਰੱਖਿਆ ਬਲਾਂ ਵੱਲੋਂ ਸੂਬੇ ਭਰ ਵਿੱਚ ਛਾਪੇਮਾਰੀ ਅਭਿਆਨ ਚਲਾਇਆ ਜਾ ਰਿਹਾ ਹੈ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ / ਸੰਜੀਵ
