ਮੈਨਚੈਸਟਰ, 02 ਜਨਵਰੀ (ਹਿੰ.ਸ.)। ਮੈਨਚੈਸਟਰ ਯੂਨਾਈਟਿਡ ਦੇ ਵਿੰਗਰ ਮਾਰਕਸ ਰੈਸ਼ਫੋਰਡ ਨੇ ਓਲਡ ਟ੍ਰੈਫੋਰਡ ਤੋਂ ਦੂਰ ਜਾਣ ਦੀਆਂ ਰਿਪੋਰਟਾਂ ਦੀ ਨਿੰਦਾ ਕਰਦਿਆਂ ਉਨ੍ਹਾਂ ਨੂੰ ਹਾਸੋਹੀਣਾ ਕਰਾਰ ਦਿੱਤਾ ਹੈ।

ਰੈਸ਼ਫੋਰਡ ਮੈਨਚੈਸਟਰ ਦੀ ਰੇਡ ਸਾਈਡ ਵਿੱਚ ਇੱਕ ਪ੍ਰਮੁੱਖ ਖਿਡਾਰੀ ਰਹੇ ਹਨ, ਰੂਬੇਨ ਅਮੋਰਿਮ ਦੇ ਆਉਣ ਤੋਂ ਪਹਿਲਾਂ ਅਕਸਰ ਵੱਖ-ਵੱਖ ਪ੍ਰਬੰਧਕਾਂ ਦੇ ਅਧੀਨ ਨਿਯਮਤ ਸਟਾਰਟਰ ਰਹੇ ਹਨ। ਹਾਲਾਂਕਿ, ਪ੍ਰਬੰਧਕੀ ਤਬਦੀਲੀ ਅਤੇ ਯੂਨਾਈਟਿਡ ਦੀ ਖੇਡ ਸ਼ੈਲੀ ਵਿੱਚ ਤਬਦੀਲੀ ਤੋਂ ਬਾਅਦ, ਰੈਸ਼ਫੋਰਡ ਨੂੰ ਸ਼ੁਰੂਆਤੀ XI ਵਿੱਚ ਜਗ੍ਹਾ ਬਣਾਉਣ ਲਈ ਸੰਘਰਸ਼ ਕਰਨਾ ਪਿਆ ਹੈ।

ਪਿਛਲੇ ਮਹੀਨੇ, ਇੱਕ ਇੰਟਰਵਿਊ ਵਿੱਚ, ਰੈਸ਼ਫੋਰਡ ਨੇ ਕਿਹਾ ਕਿ ਉਹ ਇੱਕ ਨਵੀਂ ਚੁਣੌਤੀ ਲਈ ਤਿਆਰ ਹਨ, ਜਿਸ ਨਾਲ ਸੰਭਾਵੀ ਕਦਮ ਬਾਰੇ ਕਿਆਸ ਅਰਾਈਆਂ ਲਗਾਈਆਂ ਜਾਣ ਲੱਗੀਆ। ਮੰਗਲਵਾਰ ਨੂੰ, ਜਦੋਂ ਜਨਵਰੀ ਟ੍ਰਾਂਸਫਰ ਵਿੰਡੋ ਖੁੱਲ੍ਹੀ, ਤਾਂ ਰੈਸ਼ਫੋਰਡ ਨੇ ਅਫਵਾਹਾਂ ਨੂੰ ਖਾਰਜ ਕਰਨ ਲਈ ਇੰਸਟਾਗ੍ਰਾਮ ਦਾ ਸਹਾਰਾ ਲਿਆ, ਉਨ੍ਹਾਂ ਕਿਹਾ ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਬਹੁਤ ਸਾਰੀਆਂ ਝੂਠੀਆਂ ਕਹਾਣੀਆਂ ਲਿਖੀਆਂ ਗਈਆਂ ਹਨ, ਪਰ ਦੋਸਤੋ, ਇਹ ਹਾਸੋਹੀਣਾ ਹੋ ਰਿਹਾ ਹੈ - ਮੈਂ ਕਦੇ ਕਿਸੇ ਏਜੰਸੀ ਨੂੰ ਨਹੀਂ ਮਿਲਿਆ ਅਤੇ ਨਾ ਹੀ ਮੇਰੀ ਕੋਈ ਯੋਜਨਾ ਹੈ।’’

ਟੀਮ ਦੇ ਅੰਦਰ ਰੈਸ਼ਫੋਰਡ ਦੀ ਸਥਿਤੀ ਉਦੋਂ ਬਦਲ ਗਈ ਜਦੋਂ ਅਮੋਰਿਮ ਨੇ 15 ਦਸੰਬਰ ਨੂੰ ਮੈਨਚੈਸਟਰ ਡਰਬੀ ਦੀ ਜਿੱਤ ਤੋਂ ਪਹਿਲਾਂ ਉਨ੍ਹਾਂ ਨੂੰ ਟੀਮ ਤੋਂ ਬਾਹਰ ਕਰਨ ਦਾ ਹੈਰਾਨੀਜਨਕ ਫੈਸਲਾ ਲਿਆ। ਹਾਲ ਹੀ ਵਿੱਚ, ਅਮੋਰਿਮ ਨੇ ਦੱਸਿਆ ਕਿ ਰੈਸ਼ਫੋਰਡ ਖੇਡਣ ਲਈ ਉਤਸੁਕ ਹਨ, ਪਰ ਉਨ੍ਹਾਂ ਨੇ ਉਨ੍ਹਾਂ ਨੂੰ ਫਿਲਹਾਲ ਪਾਸੇ ਰੱਖਣ ਦਾ ਫੈਸਲਾ ਕੀਤਾ ਹੈ। ਰੈਸ਼ਫੋਰਡ ਨੂੰ ਬਾਹਰ ਕੀਤੇ ਜਾਣ ਦੇ ਬਾਵਜੂਦ, ਅਮੋਰਿਮ ਨੇ ਭਰੋਸਾ ਦਿਵਾਇਆ ਕਿ ਬਾਕੀ ਟੀਮ ਇਸ ਫੈਸਲੇ ਨਾਲ ਪ੍ਰਭਾਵਿਤ ਨਹੀਂ ਹੋਵੇਗੀ।

---------------

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ