ਲੰਡਨ, 31 ਅਕਤੂਬਰ (ਹਿੰ.ਸ.)। ਬਕਿੰਘਮ ਪੈਲੇਸ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਕਿ ਬ੍ਰਿਟੇਨ ਦੇ ਰਾਜਾ ਚਾਰਲਸ ਤੀਜੇ ਨੇ ਨਾਬਾਲਗ ਕੁੜੀਆਂ ਦੇ ਜਿਨਸੀ ਸ਼ੋਸ਼ਣ ਦੇ ਇੱਕ ਮਾਮਲੇ ਵਿੱਚ ਨਾਮ ਆਉਣ ਤੋਂ ਬਾਅਦ ਆਪਣੇ ਭਰਾ ਪ੍ਰਿੰਸ ਐਂਡਰਿਊ ਤੋਂ ਸਾਰੀਆਂ ਸ਼ਾਹੀ ਉਪਾਧੀਆਂ ਵਾਪਸ ਲੈ ਲਈਆਂ ਹਨ।
ਐਂਡਰਿਊ ਹੁਣ ਪ੍ਰਿੰਸ ਸ਼ਬਦ ਦੀ ਵਰਤੋਂ ਨਹੀਂ ਕਰ ਸਕਣਗੇ ਅਤੇ ਉਨ੍ਹਾਂ ਦਾ ਨਾਮ ਹੁਣ ਐਂਡਰਿਊ ਮਾਊਂਟਬੈਟਨ-ਵਿੰਡਸਰ ਹੋ ਜਾਵੇਗਾ। ਉਨ੍ਹਾਂ ਨੂੰ ਵਿੰਡਸਰ ਵਿੱਚ ਸ਼ਾਹੀ ਨਿਵਾਸ, ਰਾਇਲ ਲਾਜ, ਨੂੰ ਤੁਰੰਤ ਖਾਲੀ ਕਰਨਾ ਪਵੇਗਾ।
ਮੀਡੀਆ ਰਿਪੋਰਟਾਂ ਅਨੁਸਾਰ, ਇਹ ਫੈਸਲਾ ਜੈਫਰੀ ਐਪਸਟਾਈਨ ਸਕੈਂਡਲ ਤੋਂ ਬਾਅਦ ਵਧਦੇ ਦਬਾਅ ਕਾਰਨ ਲਿਆ ਗਿਆ ਹੈ। ਐਂਡਰਿਊ ਪਹਿਲਾਂ ਹੀ ਹਿਜ਼ ਰਾਇਲ ਹਾਈਨੈਸ ਦੀ ਉਪਾਧੀ ਗੁਆ ਚੁੱਕੇ ਸੀ, ਪਰ ਹੁਣ ਸਾਰੇ ਸਨਮਾਨ ਅਤੇ ‘ਰਾਇਲ ਲਾਜ’ ਦੀ ‘ਲੀਜ਼‘ ਵੀ ਉਨ੍ਹਾਂ ਤੋਂ ਖੋਹ ਲਈ ਜਾਵੇਗੀ। ਚਾਰਲਸ ਨੇ ਕਿਹਾ ਕਿ ਇਹ ਕਦਮ ਸ਼ਾਹੀ ਪਰਿਵਾਰ ਦੀ ਸਾਖ ਨੂੰ ਬਣਾਈ ਰੱਖਣ ਲਈ ਜ਼ਰੂਰੀ ਸਨ। ਐਂਡਰਿਊ ਨੂੰ ਹੁਣ ਫ੍ਰੋਗਮੋਰ ਕਾਟੇਜ ਜਾਂ ਕਿਸੇ ਹੋਰ ਛੋਟੇ ਨਿਵਾਸ ਵਿੱਚ ਰਹਿਣਾ ਪੈ ਸਕਦਾ ਹੈ।
ਜ਼ਿਕਰਯੋਗ ਹੈ ਕਿ ਵਿਵਾਦਪੂਰਨ ਅਮਰੀਕੀ ਨਾਗਰਿਕ ਐਪਸਟੀਨ ਨਾਬਾਲਗ ਕੁੜੀਆਂ ਦੇ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਵਿੱਚ ਜੇਲ੍ਹ ਵਿੱਚ ਸੀ, ਜਿੱਥੇ 2019 ਵਿੱਚ ਉਸਦੀ ਮੌਤ ਹੋ ਗਈ। ਪ੍ਰਿੰਸ ਐਂਡਰਿਊ ਦਾ ਇਸ ਕਾਂਡ ਵਿੱਚ ਸਬੰਧ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਵਿੱਤੀ ਲੈਣ-ਦੇਣ ਦੇ ਨਾਲ-ਨਾਲ ਨਾਬਾਲਗ ਕੁੜੀਆਂ ਦਾ ਜਿਨਸੀ ਸ਼ੋਸ਼ਣ ਵੀ ਸ਼ਾਮਲ ਹੈ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
31 Oct 2025
