ਬਿਊਨਸ ਆਇਰਸ, 9 ਅਕਤੂਬਰ (ਹਿੰ.ਸ.)। ਅਰਜਨਟੀਨਾ ਦੀ ਇੱਕ ਅਦਾਲਤ ਨੇ ਬੁੱਧਵਾਰ ਨੂੰ ਦੇਸ਼ ਦੀ ਸਾਬਕਾ ਉਪ ਰਾਸ਼ਟਰਪਤੀ ਅਤੇ ਪ੍ਰਮੁੱਖ ਵਿਰੋਧੀ ਧਿਰ ਦੀ ਨੇਤਾ ਕ੍ਰਿਸਟੀਨਾ ਫਰਨਾਂਡੇਜ਼ ਡੀ ਕਿਰਚਨਰ ਦੇ ਕਤਲ ਦੀ ਕੋਸ਼ਿਸ਼ ਦੇ ਮਾਮਲੇ ’ਚ ਦੋ ਵਿਅਕਤੀਆਂ ਨੂੰ ਦੋਸ਼ੀ ਠਹਿਰਾਇਆ ਅਤੇ ਸਜ਼ਾ ਸੁਣਾਈ। ਇਹ ਹਮਲਾ 2022 ਵਿੱਚ ਹੋਇਆ ਸੀ, ਜਦੋਂ ਕਿਰਚਨਰ ਉਪ ਰਾਸ਼ਟਰਪਤੀ ਸਨ।
ਅਦਾਲਤ ਨੇ ਅਰਜਨਟੀਨਾ ਵਿੱਚ ਰਹਿਣ ਵਾਲੇ ਬ੍ਰਾਜ਼ੀਲੀ ਨਾਗਰਿਕ ਫਰਨਾਂਡੋ ਸਬਾਘ ਮੋਂਟੀਏਲ ਨੂੰ ਕਤਲ ਦੀ ਕੋਸ਼ਿਸ਼ ਲਈ 10 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ। ਉੱਥੇ ਹੀ ਉਸਦੀ ਸਾਬਕਾ ਪ੍ਰੇਮਿਕਾ, ਬ੍ਰੈਂਡਾ ਉਲਿਆਰਟ ਨੂੰ ਅਪਰਾਧ ਵਿੱਚ ਸਹਿਯੋਗੀ ਹੋਣ ਲਈ ਅੱਠ ਸਾਲ ਦੀ ਸਜ਼ਾ ਸੁਣਾਈ ਗਈ।
ਮੋਨੀਏਲ ਨੇ ਕਿਰਚਨਰ ਦੇ ਸਿਰ 'ਤੇ ਸਿੱਧਾ ਇੱਕ ਲੋਡਡ ਪਿਸਤੌਲ ਤਾਣਿਆ ਅਤੇ ਟਰਿੱਗਰ ਖਿੱਚਿਆ, ਪਰ ਹਥਿਆਰ ਨਹੀਂ ਚੱਲਿਆ। ਉਸਨੇ ਬਾਅਦ ਵਿੱਚ ਅਦਾਲਤ ਵਿੱਚ ਮੰਨਿਆ ਕਿ ਉਸਦਾ ਇਰਾਦਾ ਕਿਰਚਨਰ ਦੀ ਹੱਤਿਆ ਕਰਨਾ ਸੀ। ਦੇਸ਼ ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਰਾਜਨੀਤਿਕ ਹਸਤੀਆਂ ਵਿੱਚੋਂ ਇੱਕ, ਕਿਰਚਨਰ 'ਤੇ ਹੋਏ ਇਸ ਹਮਲੇ ਨੇ ਅਰਜਨਟੀਨਾ ਨੂੰ ਹੈਰਾਨ ਕਰ ਦਿੱਤਾ ਅਤੇ ਅੰਤਰਰਾਸ਼ਟਰੀ ਨਿੰਦਾ ਹੋਈ ਸੀ।
ਜ਼ਿਕਰਯੋਗ ਹੈ ਕਿ ਕ੍ਰਿਸਟੀਨਾ ਕਿਰਚਨਰ ਇਸ ਸਮੇਂ ਇੱਕ ਵੱਖਰੇ ਭ੍ਰਿਸ਼ਟਾਚਾਰ ਦੇ ਮਾਮਲੇ ਵਿੱਚ ਹਾਉਸ ਅਰੈਸਟ ਹਨ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
