ਅੰਮ੍ਰਿਤਸਰ, 8 ਦਸੰਬਰ (ਹਿੰ.ਸ.)। ਪੰਜਾਬ ਦੇ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਨੇ ਕਿਹਾ ਹੈ ਕਿ ਸੂਬੇ ਦੇ ਵਿਕਾਸ ਵਿੱਚ ਉਦਯੋਗਪਤੀਆਂ ਦੀ ਅਹਿਮ ਭੂਮਿਕਾ ਹੈ। ਉਦਯੋਗਪਤੀ ਨਵੇਂ ਸਟਾਰਟਅੱਪਸ ਦੇ ਨਾਲ ਸਹਿਯੋਗ ਕਰਕੇ ਇਨ ਇੰਡੀਆ ਨੂੰ ਉਤਸ਼ਾਹਿਤ ਕਰਨ। ਪਾਈਟੈਕਸ ਵਿੱਚ ਸੈਂਕੜੇ ਕਾਰੋਬਾਰੀਆਂ ਨੇ ਅਜਿਹੇ ਉਤਪਾਦ ਲਿਆਂਦੇ ਹਨ ਜੋ ਭਾਰਤ ਵਿੱਚ ਹੀ ਬਣੇ ਹਨ ਅਤੇ ਵਿਦੇਸ਼ੀ ਉਤਪਾਦਾਂ ਨਾਲ ਮੁਕਾਬਲਾ ਕਰ ਰਹੇ ਹਨ।

ਗੁਲਾਬ ਚੰਦ ਕਟਾਰੀਆ ਸੋਮਵਾਰ ਨੂੰ 19ਵੇਂ ਪਾਈਟੈਕਸ ਦੇ ਸਮਾਪਤੀ ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਵਜੋਂ ਕਾਰੋਬਾਰੀਆਂ ਨੂੰ ਸੰਬੋਧਨ ਕਰ ਰਹੇ ਸਨ। ਉਨ੍ਹਾਂ ਕਿਹਾ ਕਿ ਇਸ ਸਮਾਗਮ ਦੇ ਆਯੋਜਨ ਲਈ ਇੰਡਸਟਰੀ ਲੀਡਰਜ਼, ਐਗਜ਼ੀਬਿਟਰਜ਼, ਇੰਟਰਨੈਸ਼ਨਲ ਡੈਲੀਗੇਟਜ਼ ਅਤੇ ਵਿਜ਼ੀਟਰ ਵਧਾਈ ਦੇ ਹੱਕਦਾਰ ਹਨ, ਜਿਨ੍ਹਾਂ ਨੇ ਇਸ ਮਹੱਤਵਪੂਰਨ ਸਮਾਗਮ ਦੀ ਸਫਲਤਾ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ। ਪੀਐਚਡੀਸੀਸੀਆਈ ਪਾਈਟੈਕਸ ਰਾਹੀਂ ਟਰੇਡ ਫੈਸਿਲਿਟੇਸ਼ਨ, ਬਿਜ਼ਨਸ ਨੈੱਟਵਰਕਿੰਗ ਅਤੇ ਇਕੋਨਾਮਿਕ ਕੋਲੇਬੋਰੇਸ਼ਨ ਦੇ ਲਈ ਇੱਕ ਮਹੱਤਵਪੂਰਨ ਪਲੇਟਫਾਰਮ ਵਜੋਂ ਕੰਮ ਕਰ ਰਿਹਾ ਹੈ।

ਪਿਛਲੇ ਕੁਝ ਸਾਲਾਂ ਤੋਂ, ਪਾਈਟੈਕਸ ਨਾ ਸਿਰਫ਼ ਭਾਰਤ ਦੇ ਅੰਦਰ, ਸਗੋਂ ਕਈ ਗਲੋਬਲ ਮਾਰਕਿਟਸ ਨਾਲ ਕਾਰੋਬਾਰ ਅਤੇ ਪੂੰਜੀ ਨਿਵੇਸ਼ ਲਿੰਕੇਜ਼ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਭਰੋਸੇਮੰਦ ਮੰਚ ਵਜੋਂ ਉੱਭਰਿਆ ਹੈ। ਇਹ ਐਕਸਪੋ ਸੱਚਮੁੱਚ ਪੰਜਾਬ ਦੀ ਐਂਟਰਪ੍ਰੀਨਿਓਰਸ਼ਿਪ ਸਪਿਰਿਟ ਦੀ ਵਾਇਬ੍ਰੇਂਸੀ ਨੂੰ ਦਰਸਾਉਂਦਾ ਹੈ, ਜੋ ਐਗਰੀਕਲਚਰ, ਮੈਨੂਫੈਕਚਰਿੰਗ, ਐਮਐਸਐਮਈ, ਹੈਂਡੀਕਰਾਫ਼ਟ ਅਤੇ ਉੱਭਰਦੇ ਖੇਤਰਾਂ ਵਿੱਚ ਇਸਦੀਆਂ ਸ਼ਕਤੀਆਂ ਦਾ ਪ੍ਰਦਰਸ਼ਨ ਕਰਦਾ ਹੈ।

ਪੰਜਾਬ ਅੱਜ ਹਾਈ ਵੈਲਯੂ ਮੈਨੂਫੈਕਚਰਿੰਗ, ਐਗਰੀ-ਪ੍ਰੋਸੈਸਿੰਗ, ਟੈਕਸਟਾਈਲ, ਰਿਨਿਉਏਬਲ ਐਨਰਜੀ ਅਤੇ ਮਾਡਰਨ ਸਰਵਿਸਿਜ਼ ਵਿੱਚ ਆਪਣੀ ਮੌਜੂਦਗੀ ਨੂੰ ਹੋਰ ਵਧਾਉਣ ਲਈ ਚੰਗੀ ਸਥਿਤੀ ਵਿੱਚ ਹੈ। ਇਸਦੀ ਸਕਿਲਡ ਵਰਕਫੋਰਸ, ਸਟਰੇਟੇਜਿਕ ਲੋਕੇਸ਼ਨ ਅਤੇ ਬਿਜ਼ਨਸ-ਫਰੈਂਡਲੀ ਮਾਹੌਲ ਇਨਵੈਸਟਰਜ਼ ਦੇ ਲਈ ਇੱਕ ਆਕਰਸ਼ਕ ਡੈਸਟੀਨੇਸ਼ਨ ਬਣਾਉਂਦੇ ਹਨ। ਇਸ ਐਕਸਪੋ ਵਿੱਚ ਐਮਐਸਐਮਈ, ਮਹਿਲਾ ਐਂਟਰਪ੍ਰੀਨਿਓਰਜ਼ ਅਤੇ ਨੌਜਵਾਨ ਸਟਾਰਟਅੱਪਸ ਦੀ ਭਾਗੀਦਾਰੀ ਆਰਥਿਕ ਵਿਕਾਸ ਦੀ ਰੀੜ੍ਹ ਹਨ, ਅਤੇ ਉਨ੍ਹਾਂ ਦੀ ਮੌਜੂਦਗੀ ਇਨੋਵੇਸ਼ਨ, ਰੇਜਿਲਿਐਂਸ ਅਤੇ ਐਂਬਿਸ਼ਨ ਨੂੰ ਦਿਖਾਉਂਦੀ ਹੈ ਜੋ ਸਾਡੇ ਦੇਸ਼ ਦੇ ਭਵਿੱਖ ਨੂੰ ਆਕਾਰ ਦੇਵੇਗੀ।

ਪੀਐਚਡੀਸੀਸੀਆਈ ਪੰਜਾਬ ਚੈਪਟਰ ਦੇ ਚੇਅਰ ਕਰਨ ਗਿਲਹੋਤਰਾ ਨੇ ਕਿਹਾ ਕਿ ਪਾਈਟੈਕਸ 2005 ਵਿੱਚ 50 ਸਟਾਲਾਂ ਨਾਲ ਸ਼ੁਰੂ ਹੋਇਆ ਸੀ। ਅੱਜ, ਇੱਥੇ ਆਉਣ ਵਾਲੇ ਕਾਰੋਬਾਰੀਆਂ ਦੀ ਗਿਣਤੀ 550 ਤੱਕ ਪਹੁੰਚ ਗਈ ਹੈ। ਜੇਕਰ ਥਾਂ ਦੀ ਕਮੀ ਨਾ ਹੁੰਦੀ, ਤਾਂ ਹੋਰ ਵੀ ਕਾਰੋਬਾਰੀ ਆਪਣੇ ਉਤਪਾਦ ਲਿਆ ਸਕਦੇ ਸਨ। ਪੀਐਚਡੀਸੀਸੀਆਈ ਰੀਜਨਲ ਫੈਸ਼ਨ ਟੈਕਸਟ-ਟੈਕ ਫੋਰਮ ਦੀ ਚੇਅਰ ਹਿਮਾਨੀ ਅਰੋੜਾ ਨੇ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਪਾਈਟੈਕਸ ਦੌਰਾਨ ਵੱਖ-ਵੱਖ ਸਮਾਗਮਾਂ ਰਾਹੀਂ, ਚੈਂਬਰ ਨੇ ਛੋਟੇ ਤੋਂ ਛੋਟੇ ਉੱਦਮੀਆਂ ਨੂੰ ਵੀ ਸ਼ਾਮਲ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਪੰਜ ਦਿਨਾਂ ਵਿੱਚ ਲੱਖਾਂ ਲੋਕਾਂ ਦਾ ਆਉਣਾ ਇਸ ਗੱਲ ਦਾ ਪ੍ਰਮਾਣ ਹੈ ਕਿ ਪਾਈਟੈਕਸ ਨਾ ਸਿਰਫ਼ ਅੰਮ੍ਰਿਤਸਰ ਸਗੋਂ ਪੂਰੇ ਪੰਜਾਬ ਦੇ ਜੀਵਨ ਦਾ ਹਿੱਸਾ ਬਣ ਗਿਆ ਹੈ।

ਪੀਐਚਡੀਸੀਸੀਆਈ ਦੇ ਸੀਨੀਅਰ ਰੀਜ਼ਨਲ ਡਾਇਰੈਕਟਰ ਭਾਰਤੀ ਸੂਦ ਨੇ ਚੰਡੀਗੜ੍ਹ ਅਤੇ ਪੰਜਾਬ ਵਿੱਚ ਆਉਣ ਵਾਲੇ ਸਮੇਂ ਦੇ ਪ੍ਰੋਗਰਾਮਾਂ ਦਾ ਰੋਡ ਮੈਪ ਪੇਸ਼ ਕੀਤਾ।

ਇਸ ਮੌਕੇ ’ਤੇ ਪੀਐਚਡੀਸੀਸੀਆਈ ਪੰਜਾਬ ਚੈਪਟਰ ਦੇ ਸਾਬਕਾ ਚੇਅਰ ਆਰ.ਐਸ. ਸਚਦੇਵਾ, ਅੰਮ੍ਰਿਤਸਰ ਜੋਨ ਦੇ ਕੋ ਕਨਵੀਨਰ ਨਿਪੁਨ ਅੱਗਰਵਾਲ ਸਮੇਤ ਕਈ ਸਹਿਯੋਗੀਆਂ ਤੇ ਕਾਰੋਬਾਰੀਆਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਪੀਐਚਡੀਸੀਸੀਆਈ ਦੀ ਸੀਨੀਅਰ ਰੀਜਨਲ ਡਾਇਰੈਕਟਰ ਭਾਰਤੀ ਸੂਦ, ਰੀਜਨਲ ਕੋਆਰਡੀਨੇਟਰ ਜੈਦੀਪ ਸਿੰਘ ਸਮੇਤ ਕਈ ਹੋਰ ਪਤਵੰਤੇ ਮੌਜੂਦ ਸਨ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ