ਨਵੀਂ ਦਿੱਲੀ, 5 ਜੁਲਾਈ (ਹਿੰ.ਸ.)। ਭਾਰਤ ਦੀ ਆਲਰਾਊਂਡਰ ਦੀਪਤੀ ਸ਼ਰਮਾ ਨੇ ਸ਼ੁੱਕਰਵਾਰ ਨੂੰ ਲੰਡਨ ਦੇ ਓਵਲ ਵਿਖੇ ਇੰਗਲੈਂਡ ਦੀ ਮਹਿਲਾ ਟੀਮ ਵਿਰੁੱਧ ਖੇਡੇ ਗਏ ਤੀਜੇ ਟੀ-20 ਅੰਤਰਰਾਸ਼ਟਰੀ ਮੈਚ ਦੌਰਾਨ ਇਤਿਹਾਸ ਰਚ ਦਿੱਤਾ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ 144ਵੀਂ ਵਿਕਟ ਲਈ ਅਤੇ ਮਹਿਲਾ ਟੀ-20 ਅੰਤਰਰਾਸ਼ਟਰੀ ਵਿੱਚ ਸੰਯੁਕਤ ਦੂਜੀ ਸਭ ਤੋਂ ਵੱਧ ਵਿਕਟ ਲੈਣ ਵਾਲੀ ਗੇਂਦਬਾਜ਼ ਬਣਨ ਦਾ ਮਾਣ ਪ੍ਰਾਪਤ ਕੀਤਾ। ਇਸਦੇ ਨਾਲ, ਉਨ੍ਹਾਂ ਨੇ ਪਾਕਿਸਤਾਨ ਦੀ ਸਾਬਕਾ ਕਪਤਾਨ ਨਿਦਾ ਡਾਰ ਦੀ ਬਰਾਬਰੀ ਵੀ ਕੀਤੀ। ਮਹਿਲਾ ਟੀ-20 ਅੰਤਰਰਾਸ਼ਟਰੀ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਦਾ ਰਿਕਾਰਡ ਆਸਟ੍ਰੇਲੀਆ ਦੀ ਸਾਬਕਾ ਤੇਜ਼ ਗੇਂਦਬਾਜ਼ ਮੇਗਨ ਸ਼ਟ ਦੇ ਨਾਮ ਹੈ, ਜਿਨ੍ਹਾਂ ਨੇ 151 ਵਿਕਟਾਂ ਲਈਆਂ ਹਨ।

ਦੀਪਤੀ ਸ਼ਰਮਾ ਮਹਿਲਾ ਟੀ-20 ਅੰਤਰਰਾਸ਼ਟਰੀ ਵਿੱਚ 100 ਵਿਕਟਾਂ ਲੈਣ ਵਾਲੀ ਪਹਿਲੀ ਭਾਰਤੀ ਗੇਂਦਬਾਜ਼ ਵੀ ਹਨ। ਹੁਣ ਉਨ੍ਹਾਂ ਦੇ ਬਾਅਦ, ਰਾਧਾ ਯਾਦਵ ਇਸ ਸੂਚੀ ਵਿੱਚ ਸ਼ਾਮਲ ਹੋਣ ਵਾਲੀ ਦੂਜੀ ਭਾਰਤੀ ਗੇਂਦਬਾਜ਼ ਬਣ ਗਈ ਹਨ, ਜਿਨ੍ਹਾਂ ਨੇ ਇਸ ਮੈਚ ਵਿੱਚ ਇੰਗਲੈਂਡ ਦੀ ਸਟੈਂਡਿੰਗ-ਇਨ ਕਪਤਾਨ ਟੈਮੀ ਬਿਊਮੋਂਟ ਨੂੰ ਆਊਟ ਕਰਕੇ ਇਹ ਉਪਲਬਧੀ ਹਾਸਲ ਕੀਤੀ।

27 ਸਾਲਾ ਦੀਪਤੀ ਨੇ ਜਨਵਰੀ 2016 ਵਿੱਚ ਆਸਟ੍ਰੇਲੀਆ ਵਿਰੁੱਧ ਟੀ-20 ਅੰਤਰਰਾਸ਼ਟਰੀ ਡੈਬਿਊ ਕੀਤਾ ਸੀ, ਜਿਸ ’ਚ ਪਹਿਲੇ ਚਾਰ ਓਵਰਾਂ ਦੇ ਸਪੈੱਲ ਵਿੱਚ 19 ਦੌੜਾਂ ਦੇ ਕੇ 1 ਵਿਕਟ ਲਈ ਸੀ। ਉਨ੍ਹਾਂ ਦਾ ਸਭ ਤੋਂ ਵਧੀਆ ਗੇਂਦਬਾਜ਼ੀ ਪ੍ਰਦਰਸ਼ਨ 10 ਦੌੜਾਂ ਦੇ ਕੇ 4 ਹੈ, ਜੋ ਉਨ੍ਹਾਂ ਨੇ ਨਵੰਬਰ 2019 ਵਿੱਚ ਵੈਸਟਇੰਡੀਜ਼ ਵਿਰੁੱਧ ਪ੍ਰਾਪਤ ਕੀਤਾ ਸੀ।

ਮਹਿਲਾ ਟੀ-20 ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੀ ਗੇਂਦਬਾਜ਼:

1. ਮੇਗਨ ਸ਼ੂਟ (ਆਸਟ੍ਰੇਲੀਆ) - 151 ਵਿਕਟਾਂ

2. ਦੀਪਤੀ ਸ਼ਰਮਾ (ਭਾਰਤ) - 144 ਵਿਕਟਾਂ *

3. ਨਿਦਾ ਡਾਰ (ਪਾਕਿਸਤਾਨ) - 144 ਵਿਕਟਾਂ

4. ਸੋਫੀ ਐਕਲਸਟੋਨ (ਇੰਗਲੈਂਡ) - 138 ਵਿਕਟਾਂ

5. ਹੈਨਰੀਏਟ ਇਸ਼ਿਮਵੇ (ਰਵਾਂਡਾ) - 132 ਵਿਕਟਾਂ

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ