ਮੁੰਬਈ, 6 ਜੁਲਾਈ (ਹਿੰ.ਸ.)। ਰਣਵੀਰ ਸਿੰਘ ਦੇ ਜਨਮਦਿਨ ਦੇ ਖਾਸ ਮੌਕੇ 'ਤੇ ਜੀਓ ਸਟੂਡੀਓਜ਼ ਅਤੇ ਬੀ62 ਸਟੂਡੀਓਜ਼ ਨੇ 2025 ਦੀ ਸਭ ਤੋਂ ਵੱਡੀ ਅਤੇ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਐਕਸ਼ਨ-ਥ੍ਰਿਲਰ 'ਧੁਰੰਧਰ' ਦਾ ਜ਼ਬਰਦਸਤ ਪਹਿਲਾ ਲੁੱਕ ਜਾਰੀ ਕੀਤਾ ਹੈ। ਇਸ ਮੈਗਾ ਪ੍ਰੋਜੈਕਟ ਦਾ ਨਿਰਦੇਸ਼ਨ 'ਉੜੀ: ਦ ਸਰਜੀਕਲ ਸਟ੍ਰਾਈਕ' ਫੇਮ ਡਾਇਰੈਕਟਰ ਆਦਿਤਿਆ ਧਰ ਵੱਲੋਂ ਕੀਤਾ ਗਿਆ ਹੈ, ਜਿਨ੍ਹਾਂ ਦੀ ਪਹਿਲਾਂ ਹੀ ਆਪਣੀ ਵਿਜ਼ਨ ਅਤੇ ਟ੍ਰੀਟਮੈਂਟ ਲਈ ਪ੍ਰਸ਼ੰਸਾ ਕੀਤੀ ਜਾ ਚੁੱਕੀ ਹੈ। ਇਸ ਫਿਲਮ ਵਿੱਚ ਰਣਵੀਰ ਸਿੰਘ ਦੇ ਨਾਲ ਸੰਜੇ ਦੱਤ, ਅਕਸ਼ੈ ਖੰਨਾ, ਆਰ. ਮਾਧਵਨ ਅਤੇ ਅਰਜੁਨ ਰਾਮਪਾਲ ਵਰਗੇ ਸ਼ਕਤੀਸ਼ਾਲੀ ਕਲਾਕਾਰ ਹੋਣਗੇ, ਜੋ ਇਸ ਥ੍ਰਿਲਰ ਨੂੰ ਹੋਰ ਵੀ ਆਕਰਸ਼ਕ ਅਤੇ ਮੈਗਾ ਸਕੇਲ ਦਾ ਬਣਾ ਦਿੰਦੇ ਹਨ। 'ਧੁਰੰਧਰ' 5 ਦਸੰਬਰ ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਸ਼ਾਨਦਾਰ ਢੰਗ ਨਾਲ ਰਿਲੀਜ਼ ਹੋਵੇਗੀ।
2 ਮਿੰਟ 40 ਸਕਿੰਟ ਦਾ ਇਹ ਪਹਿਲਾ ਲੁੱਕ ਰਾ, ਇੰਟੈਂਸ ਅਤੇ ਹਾਈ-ਆਕਟੇਨ ਐਕਸ਼ਨ ਨਾਲ ਭਰਪੂਰ ਹੈ। ਇਸ ’ਚ ਸਸਪੈਂਸ, ਦਮਦਾਰ ਡਾਇਲਾਗ ਅਤੇ ਮਜ਼ਬੂਤ ਐਕਸ਼ਨ ਦਿਖ ਰਿਹਾ ਹੈ। ਸੰਗੀਤ ਸ਼ਾਸ਼ਵਤ ਵੱਲੋਂ ਤਿਆਰ ਕੀਤਾ ਗਿਆ ਹੈ ਅਤੇ ਸਿੰਗਰ ਜੈਸਮੀਨ ਸੈਂਡਲਸ ਹਨ ਅਤੇ ਸਭ ਤੋਂ ਮਹੱਤਵਪੂਰਨ, ਇਸ ਵਿੱਚ ਨਵੇਂ ਯੁੱਗ ਦੇ ਕਲਾਕਾਰ ਹਨੂਮਾਨਕਿੰਡ ਨਾਲ ਸਹਿਯੋਗ ਹੈ ਜਿਨ੍ਹਾਂ ਦਾ ਅਲੱਗ ਅਤੇ ਹਟਕੇ ਸਟਾਈਲ ਇਸ ਗੀਤ ਨੂੰ ਨਵਾਂ ਫਲੇਅਰ ਦਿੰਦੀ ਹੈ।
ਜੀਓ ਸਟੂਡੀਓਜ਼ ਦੁਆਰਾ ਪੇਸ਼ ਕੀਤੀ ਗਈ ਅਤੇ ਬੀ62 ਸਟੂਡੀਓਜ਼ ਦੇ ਬੈਨਰ ਹੇਠ ਬਣਾਈ ਗਈ, ਧੁਰੰਧਰ ਇੱਕ ਪਾਵਰਫੁਲ ਅਤੇ ਦਿਲ ਨੂੰ ਛੂਹ ਲੈਣ ਵਾਲੀ ਕਹਾਣੀ ਹੈ ਜੋ ਆਦਿਤਿਆ ਧਰ ਵੱਲੋਂ ਲਿਖੀ, ਨਿਰਦੇਸ਼ਿਤ ਅਤੇ ਨਿਰਮਿਤ ਹੈ। ਫਿਲਮ ਦੇ ਪ੍ਰੋਡਿਉਸਰਜ਼ ’ਚ ਜੋਤੀ ਦੇਸ਼ਪਾਂਡੇ ਅਤੇ ਲੋਕੇਸ਼ ਧਰ ਵੀ ਸ਼ਾਮਲ ਹਨ, ਜਿਨ੍ਹਾਂ ਨੇ ਇਸ ਮਹੱਤਵਾਕਾਂਖੀ ਪ੍ਰੋਜੈਕਟ ਨੂੰ ਹਕੀਕਤ ਵਿੱਚ ਲਿਆਉਣ ਲਈ ਸਹਿਯੋਗ ਕੀਤਾ ਹੈ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
