ਪੈਰਿਸ, 29 ਅਗਸਤ (ਹਿੰ.ਸ.)। ਭਾਰਤ ਦੀ ਪੁਰਸ਼ ਡਬਲਜ਼ ਜੋੜੀ ਸਾਤਵਿਕਸਾਈਰਾਜ ਰੰਕੀਰੈਡੀ ਅਤੇ ਚਿਰਾਗ ਸ਼ੈੱਟੀ ਨੇ ਵੀਰਵਾਰ ਨੂੰ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਪੈਰਿਸ ਓਲੰਪਿਕ ਚਾਂਦੀ ਦਾ ਤਗਮਾ ਜੇਤੂ ਅਤੇ ਵਿਸ਼ਵ ਨੰਬਰ-6 ਦੀ ਜੋੜੀ ਲਿਆਂਗ ਵੇਈ ਕਾਂਗ ਅਤੇ ਵਾਂਗ ਚਾਂਗ ਨੂੰ 19-21, 21-15, 21-17 ਨਾਲ ਹਰਾ ਕੇ ਬੀਡਬਲਯੂਐਫ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਵਿੱਚ ਜਗ੍ਹਾ ਬਣਾਈ।

ਸਾਤਵਿਕ-ਚਿਰਾਗ ਫੈਸਲਾਕੁੰਨ ਗੇਮ ਵਿੱਚ 15-17 ਨਾਲ ਪਿੱਛੇ ਸਨ, ਪਰ ਇਸ ਤੋਂ ਬਾਅਦ ਉਨ੍ਹਾਂ ਨੇ ਲਗਾਤਾਰ ਛੇ ਅੰਕ ਬਣਾ ਕੇ ਮੈਚ ਜਿੱਤ ਲਿਆ। ਇਹ ਇਸ ਚੀਨੀ ਜੋੜੀ ਵਿਰੁੱਧ ਨੌਂ ਮੈਚਾਂ ਵਿੱਚ ਸਿਰਫ ਤੀਜੀ ਜਿੱਤ ਹੈ। ਹੁਣ ਭਾਰਤੀ ਜੋੜੀ ਕੁਆਰਟਰ ਫਾਈਨਲ ਵਿੱਚ ਵਿਸ਼ਵ ਨੰਬਰ-2 ਮਲੇਸ਼ੀਆਈ ਜੋੜੀ ਆਰੋਨ ਚੀਆ ਅਤੇ ਸੋਹ ਵੂ ਯਿਕ ਨਾਲ ਭਿੜੇਗੀ।

ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਪੀਵੀ ਸਿੰਧੂ ਅਤੇ ਮਿਕਸਡ ਡਬਲਜ਼ ਜੋੜੀ ਤਨੀਸ਼ਾ ਕ੍ਰਾਸਟੋ ਅਤੇ ਧਰੁਵ ਕਪਿਲਾ ਨੇ ਵੀ ਕੁਆਰਟਰ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ