ਮੁੰਬਈ, 13 ਫਰਵਰੀ (ਹਿੰ.ਸ.)। ਅਦਾਕਾਰ-ਨਿਰਦੇਸ਼ਕ ਫਰਹਾਨ ਅਖਤਰ ਆਖਰੀ ਵਾਰ ਫਿਲਮ 120 ਬਹਾਦੁਰ ਵਿੱਚ ਨਜ਼ਰ ਆਏ ਸਨ, ਜੋ ਨਵੰਬਰ 2025 ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਸੀ। ਹੁਣ, ਉਹ ਅੰਤਰਰਾਸ਼ਟਰੀ ਸਿਨੇਮਾ ਵਿੱਚ ਪ੍ਰਵੇਸ਼ ਕਰਨ ਵਾਲੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਫਰਹਾਨ ਨੇ ਮਸ਼ਹੂਰ ਹਾਲੀਵੁੱਡ ਨਿਰਦੇਸ਼ਕ ਸੈਮ ਮੈਂਡੇਜ਼ ਦੇ ਮਹੱਤਵਾਕਾਂਖੀ ਬਾਇਓਪਿਕ ਪ੍ਰੋਜੈਕਟ, ਦ ਬੀਟਲਜ਼ ਵਿੱਚ ਮੁੱਖ ਭੂਮਿਕਾ ਮਿਲੀ ਹੈ। ਇਸ ਖ਼ਬਰ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਿੱਚ ਉਤਸ਼ਾਹ ਪੈਦਾ ਕਰ ਦਿੱਤਾ ਹੈ। ਮੈਂਡੇਜ਼ ਪਹਿਲਾਂ ਹੈਮਨੇਟ ਅਤੇ ਸਪੈਕਟਰ ਵਰਗੀਆਂ ਪ੍ਰਸ਼ੰਸਾਯੋਗ ਫਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ।
ਪੰਡਿਤ ਰਵੀ ਸ਼ੰਕਰ ਦਾ ਕਿਰਦਾਰ ਨਿਭਾਉਣਗੇ ਫਰਹਾਨ : ਰਿਪੋਰਟਾਂ ਅਨੁਸਾਰ, ਸੋਨੀ ਪਿਕਚਰਜ਼ ਨੇ ਆਪਣੇ ਬਹੁਤ-ਉਮੀਦ ਕੀਤੇ ਪ੍ਰੋਜੈਕਟ, ਦਿ ਬੀਟਲਜ਼ - ਏ ਫੋਰ-ਫਿਲਮ ਸਿਨੇਮੈਟਿਕ ਈਵੈਂਟ ਲਈ ਨਵੀਂ ਕਾਸਟ ਦਾ ਐਲਾਨ ਕੀਤਾ ਹੈ, ਜਿਸ ਵਿੱਚ ਫਰਹਾਨ ਅਖਤਰ ਵੀ ਸ਼ਾਮਲ ਹਨ। ਉਹ ਫਿਲਮ ਵਿੱਚ ਪ੍ਰਸਿੱਧ ਭਾਰਤੀ ਸ਼ਾਸਤਰੀ ਸੰਗੀਤਕਾਰ ਪੰਡਿਤ ਰਵੀ ਸ਼ੰਕਰ ਦੀ ਭੂਮਿਕਾ ਨਿਭਾਉਣਗੇ। ਇਹ ਜਾਣਿਆ ਜਾਂਦਾ ਹੈ ਕਿ ਪੰਡਿਤ ਰਵੀ ਸ਼ੰਕਰ ਨੇ 1970 ਦੇ ਦਹਾਕੇ ਵਿੱਚ ਭਾਰਤ ਦੇ ਆਪਣੇ ਦੌਰੇ ਦੌਰਾਨ ਦ ਬੀਟਲਜ਼ ਦੀ ਮੇਜ਼ਬਾਨੀ ਕੀਤੀ ਸੀ ਅਤੇ ਉਨ੍ਹਾਂ ਨੂੰ ਭਾਰਤੀ ਸੰਗੀਤ ਨਾਲ ਜਾਣੂ ਕਰਵਾਇਆ ਸੀ। ਇਹ ਫਰਹਾਨ ਦੀ ਪਹਿਲੀ ਅੰਤਰਰਾਸ਼ਟਰੀ ਫੀਚਰ ਫਿਲਮ ਹੋਵੇਗੀ। ਉਹ ਪਹਿਲਾਂ ਅਮਰੀਕੀ ਵੈੱਬ ਸੀਰੀਜ਼ ਮਿਸੇਜ਼ ਮਾਰਵਲ ਵਿੱਚ ਕੈਮਿਓ ਭੂਮਿਕਾ ਵਿੱਚ ਦਿਖਾਈ ਦਿੱਤੇ ਸੀ।
ਹੋਰ ਕਲਾਕਾਰ ਵੀ ਹੋਣਗੇ ਸ਼ਾਮਲ: ਇਸ ਚਾਰ-ਭਾਗਾਂ ਵਾਲੀ ਬਾਇਓਪਿਕ ਵਿੱਚ ਕਈ ਅੰਤਰਰਾਸ਼ਟਰੀ ਕਲਾਕਾਰਾਂ ਨੂੰ ਵੀ ਕਾਸਟ ਕੀਤਾ ਗਿਆ ਹੈ। ਜਾਣਕਾਰੀ ਦੇ ਅਨੁਸਾਰ ਪਾਲ ਮੈਕਕਾਰਟਨੀ ਦੀ ਮੰਗੇਤਰ ਜੇਨ ਅਸ਼ਰ ਦੀ ਭੂਮਿਕਾ ਵਿੱਚ ਲੂਸੀ ਬੋਇਨਟਨ ਨਜ਼ਰ ਆਵੇਗੀ। ਉੱਥੇ ਹੀ, ਬੀਟਲਜ਼ ਦੇ ਮੂਲ ਡ੍ਰਮਰ ਸਟੂਅਰਟ ਸਟਕਲਿਫ ਦੀ ਭੂਮਿਕਾ ’ਚ ਹੈਰੀ ਲਾਟੀ ਅਤੇ ਜੌਨ ਲੈਨਨ ਦੀ ਪਹਿਲੀ ਪਤਨੀ ਸਿੰਥੀਆ ਪਾਵੇਲ ਦੇ ਰੂਪ ਵਿੱਚ ਮੋਰਫਾਈਡ ਕਲਾਰਕ ਦਿਖਾਈ ਦੇਵੇਗੀ। ਫਿਲਹਾਲ, ਨਿਰਮਾਤਾਵਾਂ ਨੇ ਅਜੇ ਤੱਕ ਅਧਿਕਾਰਤ ਤੌਰ 'ਤੇ ਇਹ ਐਲਾਨ ਨਹੀਂ ਕੀਤਾ ਹੈ ਕਿ ਫਿਲਮ ਦੀ ਸ਼ੂਟਿੰਗ ਕਦੋਂ ਅਤੇ ਕਿੱਥੇ ਸ਼ੁਰੂ ਹੋਵੇਗੀ। ਹਾਲਾਂਕਿ, ਇਸ ਅੰਤਰਰਾਸ਼ਟਰੀ ਪ੍ਰੋਜੈਕਟ ਵਿੱਚ ਫਰਹਾਨ ਅਖਤਰ ਦੀ ਸ਼ਮੂਲੀਅਤ ਨੂੰ ਭਾਰਤੀ ਸਿਨੇਮਾ ਲਈ ਇੱਕ ਮਹੱਤਵਪੂਰਨ ਮੀਲ ਪੱਥਰ ਮੰਨਿਆ ਜਾ ਰਿਹਾ ਹੈ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
