ਨਵੀਂ ਦਿੱਲੀ, 28 ਅਪ੍ਰੈਲ (ਹਿੰ.ਸ.)। ਭਾਰਤੀ ਮਹਿਲਾ ਬੈਡਮਿੰਟਨ ਟੀਮ ਦੀ ਮੁਹਿੰਮ ਡੈਨਮਾਰਕ ਦੇ ਹੌਰਸੈਂਸ ਵਿੱਚ ਖੇਡੇ ਜਾ ਰਹੇ ਉਬੇਰ ਕੱਪ ਫਾਈਨਲ ਵਿੱਚ ਚੀਨ ਤੋਂ 0-5 ਦੀ ਹਾਰ ਨਾਲ ਖਤਮ ਹੋਈ। ਦੋ ਵਾਰ ਦੀ ਓਲੰਪਿਕ ਤਗਮਾ ਜੇਤੂ ਪੀਵੀ ਸਿੰਧੂ ਮਜ਼ਬੂਤ ਸਥਿਤੀ ਦੇ ਬਾਵਜੂਦ ਮੈਚ ਹਾਰ ਗਈ, ਜਿਸ ਨਾਲ ਭਾਰਤ ਦੀ ਵਾਪਸੀ ਦੇ ਦਰਵਾਜ਼ੇ ਬੰਦ ਹੋ ਗਏ।

ਭਾਰਤੀ ਟੀਮ ਨੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਮੇਜ਼ਬਾਨ ਡੈਨਮਾਰਕ ਤੋਂ 2-3 ਦੀ ਹਾਰ ਨਾਲ ਕੀਤੀ ਸੀ, ਪਰ ਫਿਰ ਯੂਕਰੇਨ ਨੂੰ 4-1 ਨਾਲ ਹਰਾ ਕੇ ਉਮੀਦਾਂ ਜਗਾਈਆਂ। ਹਾਲਾਂਕਿ, ਟੀਮ ਨੂੰ 16 ਵਾਰ ਦੇ ਚੈਂਪੀਅਨ ਚੀਨ ਤੋਂ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਿਆ।

ਸਿੰਧੂ ਦੀ ਹਾਰ ਨੇ ਭਾਰਤ ਦਾ ਮਨੋਬਲ ਤੋੜਿਆ :

ਪਹਿਲੇ ਸਿੰਗਲਜ਼ ਮੈਚ ਵਿੱਚ, ਪੀਵੀ ਸਿੰਧੂ ਨੇ ਦੁਨੀਆ ਦੀ ਨੰਬਰ 2 ਵਾਂਗ ਜ਼ੀਈ ਦੇ ਖਿਲਾਫ ਮਜ਼ਬੂਤ ਸ਼ੁਰੂਆਤ ਕੀਤੀ। ਫੈਸਲਾਕੁੰਨ ਗੇਮ ਵਿੱਚ 18-12 ਦੀ ਬੜ੍ਹਤ ਲੈਣ ਦੇ ਬਾਵਜੂਦ, ਸਿੰਧੂ ਮੈਚ ਜਿੱਤਰ ਵਿੱਚ ਅਸਫਲ ਰਹੀ ਅਤੇੇ 16-21, 21-19, 19-21 ਨਾਲ ਹਾਰ ਗਈ। ਇਸ ਹਾਰ ਨੇ ਚੀਨ ਨੂੰ 1-0 ਦੀ ਬੜ੍ਹਤ ਦਿਵਾਈ।

ਡਬਲਜ਼ ਅਤੇ ਹੋਰ ਸਿੰਗਲਜ਼ ਮੈਚਾਂ ਵਿੱਚ ਵੀ ਨਿਰਾਸ਼ਾ :ਪਹਿਲੇ ਡਬਲਜ਼ ਮੈਚ ਵਿੱਚ, ਪ੍ਰਿਆ ਕੋਨਜੇਂਗਬਾਮ ਅਤੇ ਸ਼ਰੂਤੀ ਮਿਸ਼ਰਾ ਦੀ ਜੋੜੀ ਵਿਸ਼ਵ ਦੀ ਨੰਬਰ 1 ਲਿਊ ਸ਼ੇਂਗ ਸ਼ੂ ਅਤੇ ਟੈਨ ਨਿੰਗ ਤੋਂ 11-21, 8-21 ਨਾਲ ਹਾਰ ਗਈ। ਇਸ ਤੋਂ ਬਾਅਦ ਦੂਜੇ ਸਿੰਗਲਜ਼ ਮੈਚ ਵਿੱਚ, ਈਸ਼ਾਰਾਨੀ ਬਰੂਆ ਨੇ ਟੋਕੀਓ ਓਲੰਪਿਕ ਚੈਂਪੀਅਨ ਚੇਨ ਯੂਫੇਈ ਨੂੰ ਸਖ਼ਤ ਟੱਕਰ ਦਿੱਤੀ ਪਰ ਮਹੱਤਵਪੂਰਨ ਮੌਕੇ ਗੁਆਉਣ ਨਾਲ 22-20, 21-13 ਨਾਲ ਹਾਰ ਗਈ, ਜਿਸ ਨਾਲ ਚੀਨ ਨੂੰ 3-0 ਦੀ ਅਜੇਤੂ ਬੜ੍ਹਤ ਮਿਲ ਗਈ।

ਦੂਜੇ ਡਬਲਜ਼ ਵਿੱਚ, ਟ੍ਰੀਸਾ ਜੌਲੀ ਅਤੇ ਕਵੀਪ੍ਰਿਆ ਸੇਲਵਮ ਨੇ ਸਖ਼ਤ ਟੱਕਰ ਦਿੱਤੀ ਪਰ ਉਹ ਲੁਓ ਸ਼ੂ ਮਿਨ ਅਤੇ ਝਾਂਗ ਸ਼ੂ ਜ਼ਿਆਨ ਤੋਂ 10-21, 21-12, 19-21 ਨਾਲ ਹਾਰ ਗਈਆਂ।

ਤੀਜੇ ਸਿੰਗਲਜ਼ ਵਿੱਚ, ਦੇਵਿਕਾ ਸਿਹਾਗ ਨੇ ਚੰਗੀ ਸ਼ੁਰੂਆਤ ਕੀਤੀ ਪਰ ਉਹ ਲੈਅ ਬਰਕਰਾਰ ਨਹੀਂ ਰੱਖ ਸਕੀ ਅਤੇ ਜ਼ੂ ਵੇਨ ਜਿੰਗ ਤੋਂ 21-19, 17-21, 10-21 ਨਾਲ ਹਾਰ ਗਈ।

ਥਾਮਸ ਕੱਪ ਵਿੱਚ ਪੁਰਸ਼ ਟੀਮ ਤੋਂ ਉਮੀਦਾਂ :

ਸਾਰੀਆਂ ਨਜ਼ਰਾਂ ਹੁਣ ਭਾਰਤੀ ਪੁਰਸ਼ ਟੀਮ 'ਤੇ ਹੋਣਗੀਆਂ, ਜੋ ਬੁੱਧਵਾਰ ਨੂੰ ਥਾਮਸ ਕੱਪ ਵਿੱਚ ਚੀਨ ਦਾ ਸਾਹਮਣਾ ਕਰੇਗੀ। 2022 ਦੇ ਮੌਜੂਦਾ ਚੈਂਪੀਅਨ ਭਾਰਤ ਨੇ ਆਪਣੇ ਗਰੁੱਪ ਏ ਮੈਚ ਵਿੱਚ ਆਸਟ੍ਰੇਲੀਆ ਨੂੰ 5-0 ਨਾਲ ਹਰਾ ਕੇ ਕੁਆਰਟਰ ਫਾਈਨਲ ਵਿੱਚ ਜਗ੍ਹਾ ਪੱਕੀ ਕੀਤੀ ਹੈ।

ਭਾਰਤ ਅਤੇ ਚੀਨ ਦੋਵੇਂ ਗਰੁੱਪ ਵਿੱਚ ਸਿਖਰ 'ਤੇ ਹਨ, ਅਤੇ ਬੁੱਧਵਾਰ ਦਾ ਮੈਚ ਗਰੁੱਪ ਜੇਤੂ ਦਾ ਫੈਸਲਾ ਕਰੇਗਾ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ