ਨਵੀਂ ਦਿੱਲੀ, 18 ਅਕਤੂਬਰ (ਹਿੰ.ਸ.)। ਭਾਰਤੀ ਗ੍ਰੈਂਡ ਮਾਸਟਰ ਅਰਜੁਨ ਇਰੀਗੈਸੀ ਨੇ ਫਰਾਂਸ ਦੇ ਮੈਕਸਿਮ ਵਚੀਅਰ-ਲਾਗਰੇਵ ਨੂੰ ਹਰਾ ਕੇ 2024 ਡਬਲਯੂਆਰ ਸ਼ਤਰੰਜ ਮਾਸਟਰਜ਼ ਕੱਪ ਜਿੱਤ ਲਿਆ ਹੈ, ਜਿਸ ’ਚ ਉਨ੍ਹਾਂ ਨੂੰ ਯੂਰੋ 20,000 ਚੋਟੀ ਦਾ ਇਨਾਮ ਅਤੇ 27.84 ਐਫਆਈਡੀਈ ਸਰਕਟ ਪੁਆਇੰਟ ਮਿਲੇ।
ਹਾਲਾਂਕਿ, ਜਿੱਤ ਦੇ ਬਾਵਜੂਦ, ਏਰੀਗੈਸੀ 2800 ਦਾ ਅੰਕੜਾ ਪਾਰ ਨਹੀਂ ਕਰ ਸਕੇ ਕਿਉਂਕਿ ਉਨ੍ਹਾਂ ਦੇ ਫਰਾਂਸੀਸੀ ਵਿਰੋਧੀ ਨੇ ਕਲਾਸੀਕਲ ਖੇਡਾਂ ਵਿੱਚ ਲਗਾਤਾਰ ਦੋ ਡਰਾਅ ਬਣਾਏ। ਇਰੀਗੈਸੀ ਨੂੰ ਪਤਾ ਸੀ ਕਿ ਉਨ੍ਹਾਂ ਨੂੰ ਆਪਣੇ ਕਰੀਅਰ ਵਿੱਚ ਪਹਿਲੀ ਵਾਰ 2800 ਅੰਕ ਪਾਸ ਕਰਨ ਲਈ ਅੰਤਿਮ ਦਿਨ ਕਲਾਸੀਕਲ ਸ਼ਤਰੰਜ ਵਿੱਚ ਜਿੱਤਣਾ ਪਏਗਾ।
ਵਚੀਅਰ-ਲਾਗਰੇਵ ਨੇ ਆਪਣੀਆਂ ਸਾਰੀਆਂ ਕਲਾਸੀਕਲ ਗੇਮਾਂ ਡਰਾਅ ਕੀਤੀ ਸਨ, ਪਰ ਤਿੰਨ ਵਿੱਚੋਂ ਤਿੰਨ ਆਰਮਾਗੇਡਨ ਜਿੱਤੇ ਸਨ, ਅਰਜੁਨ ਨੇ ਆਪਣੀ ਰਣਨੀਤੀ ਬਾਰੇ ਕਿਹਾ, ਅਸਲ ਵਿੱਚ, ਮੈਂ ਸੋਚਿਆ ਕਿ ਮੈਨੂੰ ਇਸਨੂੰ ਕਲਾਸੀਕਲ ਵਿੱਚ ਖਤਮ ਕਰਨਾ ਚਾਹੀਦਾ ਹੈ!
ਇਰੀਗੈਸੀ, ਜੋ 2796.1 ਦੀ ਲਾਈਵ ਰੇਟਿੰਗ ਨਾਲ ਵਿਸ਼ਵ ਦੇ ਚੌਥੇ ਨੰਬਰ 'ਤੇ ਕਾਬਜ਼ ਹਨ, ਨੇ ਖਿਤਾਬ ਜਿੱਤਣ ਦੇ ਰਾਸਤੇ ’ਚ ਹਮਵਤਨ ਵਿਦਿਤ ਗੁਜਰਾਤੀ ਅਤੇ ਆਰ. ਪ੍ਰਗਿਆਨੰਦ ਨੂੰ ਹਰਾਇਆ।
---------------
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
